काठमाडौं । एएफसी यु–१७ एसियन कप छनौट खेल्ने म्यानमार पुगेको नेपाली युथ टोलीले समूह चरणतर्फ आफ्नो लगातार दोस्रो खेलमा हार बेहोरेको छ ।

समूह जी मा रहेको नेपालले सोमबार घरेलु टोली म्यानमारसँग ४–० को फराकिलो हार बेहोरेको हो । नेपालले यसअघि आफ्नो पहिलो खेलमा सिरियासँग २–४ को हार बेहोरेको थियो भने म्यानमारले अफगानिस्तानलाई ३–१ ले हराएको थियो ।

यो हारसँगै नेपाल अंकविहीन रुपमा समूह जी को पुछारमा छ । साथै यो हारसँगै नेपालको सम्भावना कठिन र लगभग समाप्त भएको छ । म्यानमार भने ६ अंकका साथ शिर्ष स्थानमा छ ।

नेपालले आफ्नो आगामी खेल २८ नोभेम्बरका दिन अफगानिस्तानसँग खेल्नेछ । त्यस्तै सोही दिन म्यानमारले ओमानको सामना गर्नेछ । समूहको शिर्ष स्थान हासिल गर्ने टोल ीअर्को वर्ष साउदी अरेबियामा हुने एएफसी यु–१७ एसियन कपका लागि छनौट हुनेछ ।