फङफङदेन झरना अलैची कपको उपाधि लागि पाँचथर र ताप्लेजुङ आमनेसामने हुने भएका छन्।

ताप्लेजुङको मिक्वाखोला–४, सावा तेम्बामा जारी पर्यटन तथा सांस्कृतिक मेला–२०८२ अन्तर्गतको आमन्त्रित पुरुष फुटबलमा गणेशचोक टिम पाँचथर र हिमाली तोक्मेगोला ताप्लेजुङले फाइनल स्थान सुरक्षित गरेका हुन्।

पहिलो सेमिफाइनलमा गणेशचोक टिम पाँचथरले ग्रीन भ्याली मेरिङदेन नाल्बुलाई ३–१ ले हरायो। न्यूसन लिम्बु म्यान अफ दि म्याच घोषित भए।
दोस्रो सेमिफाइनलमा हिमाली तोक्मेगोला पापुङले रेड डेभिल्स इलामलाई ४–२ ले पराजित गर्दै फाइनलमा स्थान बनायो। सौर्य राहुत म्यान अफ दि म्याच बने।

दुवै म्यान अफ दि म्याचले एक–एक केजी अलैची पुरस्कार पाए।
स्थानीय उत्पादन र पर्यटन प्रवर्द्धन गर्ने लक्ष्यसहित आयोजना गरिएको मेला मंसिर ११ गतेसम्म सञ्चालन हुनेछ। विजेताले ३ लाख २०८२ बराबरको अलैची र उपविजेताले १ लाख ५२ हजार ८२ बराबरको अलैची पाउनेछन्।