राजारानी । घरेलु टोली हाम्रो राजारानी भेट्रान, धनकुटा र मर्निङ भेट्रान, मोरङ यहाँ जारी स्व. ज्ञान ब. तथा बुद्धिमाया लिम्बु स्मृति तेस्रो हाम्रो राजारानी भेट्रान कपको फाइनलमा भिड्ने भएका छन् ।

प्रतियोगिता अन्तर्गत मंसिर १७ गते बुधबार भएको पहिलो सेमिफाइनलमा हाम्रो राजारानी भेट्रानले एभरेष्ट भेट्रान, मोरङलाई २–० ले हराउँदै फाइनलमा प्रवेश गर्यो । हाम्रो राजारानी भेट्रानका लागि मित्र बस्नेत र अंकुर खड्कीले गोल गरे । खेलमा हाम्रो राजारानी भेट्रान कै खड्की म्यान अफ दि म्याच बने ।

त्यस्तै बुधबार नै भएको दोस्रो सेमिफाइनलमा मर्निङ भेट्रानले भोजपुर भेट्रान, भोजपुरलाई पेनाल्टी शुटआउटमा ४–२ ले हरायो । त्यसअघि निर्धारित समयको खेल दुवै टोलीले १–१ गोलको बराबरी खेलेका थिए । खेलमा मर्निङ भेट्रानका गोलरक्षक विश्व बन्धु म्यान अफ दि म्याच चुनिए ।

फाइनल खेल यही मंसिर १८ गते बिहीबारका दिन हाम्रो राजारानी भेट्रान, धनकुटा र मर्निङ भेट्रान, मोरङ बीच हुने आयोजकले जानकारी दियो ।