काठमाडौं । अखिल नेपाल फुटबल संघ (एन्फा) का नव निर्वाचित केन्द्र्रिय अध्यक्ष पंकज नेम्वाङ र उनको नयाँ कार्यसमितिको सपथ आज हुँदैछ । एन्फाका अनुसार सपथ कार्यक्रम साँझ ५ बजेदेखि सातदोबाटो स्थित एन्फा कम्प्लेक्सम हुनेछ ।

स्मरणीय छ, सोमबार सम्पन्न एन्फाको केन्द्रिय निर्वाचनमा नेम्वाङले निर्वतमान अध्यक्ष कर्मा छिरिङ शेर्पालाई ६ मतले हराउँदै विजयी भएका थिए । निर्वाचनमा खसेको कुल ८४ मत मध्ये नेम्वाङले ४५ र शेर्पाले ३९ मत प्राप्त गरेका थिए ।

एन्फाका पूर्व वरिष्ठ उपाध्यक्ष समेत रहेका नेम्वाङले अब आगामी चार वर्षका लागि नेपाली फुटबलको मुख्य जिम्मेवारी सम्हाल्ने छन् ।