काठमाडौं । राष्ट्रिय पुरुष फुटबल टोलीका फरवार्ड भरत खवास नेपाली सेनामा पदोन्नती भएका छन् । त्रिभुवन आर्मी फुटबल क्लबका कप्तान समेत रहेका खवास उप–सेनानीबाट सह–सेनानी पदमा पदोन्नती भएका हुन् ।

उनलाई आर्मी मुख्यालयमा एक कार्यक्रमका बीच सेनाका बायुसेना प्रमुख तथा उपरथी आशिष नरसिंह राणाले दज्र्यानी चिन्ह प्रदान गरेका थिए ।

स्मरण रहोस, भरत आइतबार मात्र बंगलादेश विरुद्ध हुने अन्तर्राष्ट्रिय मैत्रीपूर्ण फुटबल म्याचका लागि राष्ट्रिय टोलीको बन्द प्रशिक्षणमा पनि पर्न सफल भएका थिए ।