काठमाडौं । एमसी एफसीको आयोजनामा यही पुस २२ गतेका दिन एमसीएफसी कप एक दिने फुटसल प्रतियोगिता हुने भएको छ । गोपीकृष्ण स्थित हाम्रो फुटसलमा हुने प्रतियोगिताको टिमदर्ता पनि खुला गरिएको छ ।

टिमदर्ता शुल्क २००० तोकिएको छ भने डिपोजिट वापत नगद ५०० बुझाउनु पर्ने पनि आयोजकले जानकारी दियो । त्यस्तै रातो कार्ड वापत ३०० र पहेंलो कार्ड वापत २०० जरिवानाको नियम पनि गरिएको आयोजकले जनाएको छ ।

प्रतियोगिताको विजेताले उपाधिसहित नगद १५ हजार हात पार्नेछ भने उपविजेताले ५ हजारसहित ट्रफी, मेडल र प्रमाणपत्र प्राप्त गर्नेछ । त्यस्तै व्यक्तिगत विधातर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जानकारी दियो ।