काठमाडौ । बुधबार सम्पन्न भएको सहिद स्मारक सी डिभिजन लिगमा आरसी३२ फुटबल ऎकेडेमीका रोहन कार्की मोस्ट भ्यालुएबल प्लेयर चुनिएका छन । त्यसवापत उनले नगद ५० हजार र ट्रफी हात पारे ।

त्यस्तै अन्य विधातर्फ लिग विजेता बागमती युवा क्लबका अनिष महतो उत्कृष्ट गोलरक्षक चुनिए भने सोसल वेलफेयर स्पोर्ट्स सेन्टर क्लबका रोशन क्षेत्रीले सर्वाधिक गोलकर्ताको पुरस्कार हात पारे । दुवैले नगद ३५/३५ हजार र ट्रफी हात पारे ।

सामाजिक युथ क्लब फेयर प्ले टिम बन्यो । त्यसवापत क्लबले नगद ५० हजार प्राप्त गर्यो । लिग विजेता बागमतीले १० हात पार्दा दोस्रो स्थान हासिल गरेको आरसी३२ ले ७ लाख प्राप्त गर्यो । त्यसैगरी तेस्रो स्थान हासिल गरेको पुल्चोक स्पोर्ट्स क्लबले नगद ५ लाख हात पार्यो ।