काठमाडौं । नेपालको घरेलु फुटबलमा आफूलाई परिचित बनाईसकेका युवा फरवार्ड आशिष चापागाईले भुटानको शिर्ष लिग भुटान प्रिमियर लिग खेल्ने भएका छन् ।

आशिषलाई फुङ्सोलिङ हिरोज फुटबल क्लबले जारी सिजनका लागि अनुवन्ध गरेको हो । भुटानतर्फ प्रस्थान गर्न लागेका आशिषलाई बिर्तामोड युनाइटेड क्लबले एक कार्यक्रमका बीच विदाई गर्यो ।

आशिषले गत सिजन नेपालको शिर्ष लिग चर्च ब्वाईज युनाइटेडका लागि खेल्दै लिग उपाधि समेत जितेका थिए । स्मरण रहोस, फुङ्सोलिङ हिरोजले केही दिन मात्र नेपालका अनुभवी र युवा प्रशिक्षक सुमन श्रेष्ठलाई आफ्नो मूख्य प्रशिक्षकका रुपमा नियुक्त गरेको थियो ।