काठमाडौं । एन्फाको बिहीबार सम्पन्न भएको सातौं कार्यसमितिको बैठकले नेपालको राष्ट्रिय पुरुष फुटबल टोलीका लागि प्रो–लाइसेन्स प्रशिक्षक नियुक्त गर्ने प्रक्रिया अगाडी बढाउने निर्णय गरेको छ ।

यो निर्णयसँगै हाल टोलीका मुख्य प्रशिक्षक रहेका भिन्सेन्जो अलबर्टो एनेसको विकल्प खोजिने पनि पक्का भएको छ । यसअघि भदौ ११ गते बसेको बैठकले नै भिन्सेन्जोको सम्झौता अवधि नथप्ने निर्णय भएको थियो ।

गत वर्ष मात्र नेपालको मुख्य प्रशिक्षकमा नियुक्त भएका भिन्सेन्जोले नेपाललाई घरमै भएको थ्री नेशन्स कपको उपाधि जिताएका थिए । भिन्सेन्जोको प्रशिक्षकीय जिम्मेवारीमा नेपालले खेलेको कुल १९ खेलहरु मध्ये ५ मा जित, ४ मा बराबरी र १० खेलमा हार बेहोरेको थियो ।