काठमाडौं । ललित स्मृति यु–१८ युथ लिग फुटबल प्रतियोगिता अन्तर्गत उत्कृष्ट लयमा रहेको विभागीय टोली नेपाल पुलिस क्लबले लिगतालिकामा आफ्नो शिर्षतालाई यथावत राखेको छ ।

बुधबार भएको ११औं चरणको पहिलो खेलमा पुलिसले चर्च ब्वाईज युनाइटेडलाई ३–१ ले हरायो । सातदोबाटो स्थित एन्फा कम्प्लेक्समा भएको खेलमा पुलिसका लागि कप्तान सुवास बमले दुई गोल गर्दा थप एक गोल चिरन कार्कीले गरे ।

यो जितपछि ११ खेलबाट २६ अंक जोडेको पुलिस शिर्ष स्थानमा यथावत छ । उता पराजित चर्च ब्वाईज भने समान खेलबाट १४ अंकसहित लिगतालिकाको नवौं स्थानमा रहेको छ ।