काठमाडौं । सिक्किमको जोरेथाङमा जारी दशौं अल इण्डिया चिफ मिनिस्टर गोल्डकप अन्तर्राष्ट्रिय आमन्त्रित फुटबल प्रतियोगिताको फाइनलमा नेपालका दुई टोली झापा–११ फुटबल क्लब र चर्च ब्वाईज युनाइटेड उपाधिका लागि भिड्ने भएका छन् ।

आइतबार जोरेथाङ रंगशालामा भएको दोस्रो सेमिफाइनलमा झापाले सुदेवा एफसी, दिल्लीलाई २–१ ले हराउँदै फाइनलमा चर्च ब्वाईजसँगको भेट पक्का गरेको हो । खेलमा झापाका बिजय भुजेल म्यान अफ द म्याच घोषित भए ।

नाम्ची जिल्ला फुटबल संघ, सिक्किमको आयोजनामा जारी प्रतियोगिताको फाइनल खेल २१ जनवरी (माघ ८ गते) मंगलबारका दिन झापा र चर्च ब्वाईजका बीच हुनेछ ।