काठमाडौं । साफ पुरुष फुटसल च्याम्पियनसिपतर्फ नेपालले आफ्नो चौथो खेलमा पहिलो हारको सामना गरेको छ । बिहीबार नेपालले बलियो आँकिएको माल्दिभ्ससँग २–१ को हार बेहोरेको हो ।

नेपालले आफ्नो आगामी खेल २४ जनवरीका दिन बंगलादेशसँग खेल्नेछ । बिहीबारको नतिजापछि ४ खेलबाट ५ अंक जोडेको नेपाल लिगतालिकाको चौथो स्थानमा छ । र उपाधि होडबाट नेपाल बाहिरिएको छ ।

उता १२ अंक जोडेको माल्दिभ्स शिर्ष स्थानमा छ । त्यस्तै बिहीबार नै बंगलादेशलाई १–५ को अन्तरले हराएको पाकिस्तान १० अंकका साथ दोस्रो स्थानमा छ । ७ अंक जोडेको बंगलादेश भने तेस्रो स्थानमा रहेको छ ।