काठमाडौं । अखिल नेपाल फुटबल संघ (एन्फा) को आयोजनामा शुक्रबारदेखि महत्वाकांक्षी एन्फा यु–१६ युथ लिग फुटबल प्रतियोगिता आधिकारिक रुपमा शुरु भएको छ ।

सातदोबाटो स्थित एन्फा कम्प्लेक्समा सम्पन्न प्रतियोगिताको पहिलो दिन सम्पन्न दुई खेलहरुमा मनाङ मस्र्याङ्दी क्लब र त्रिभुवन आर्मी फुटबल क्लबले विजयी शुरुवात गरे ।

उद्घाटन तथा दिनको पहिलो खेलमा मनाङले श्री भगवती क्लबलाई २–१ ले हराउँदै विजयी शुरुवात गर्यो । त्यस्तै शुक्रबार नै भएको दोस्रो खेलमा आर्मीले हिमालयन शेर्पा क्लबमाथि ३–१ को जित निकाल्दै महत्वपूर्ण तीन अंक जोड्यो ।

त्यसअघि प्रतियोगिताको उद्घाटन कार्यक्रमका प्रमुख अतिथी राष्ट्रिय खेलकुद परिषद (राखेप) का उपाध्यक्ष ध्रुव आचार्य, एन्फा अध्यक्ष पंकज विक्रम नेम्वाङ लगायतले संयुक्त रुपमा गरेका थिए ।