काठमाडौं । नेपाल खेलकुद पत्रकार मञ्चको आयोजनामा हुने देश कै प्रतिष्ठित र पूरानो स्पोर्टस अवार्ड एनएसजेएफ पल्सर स्पोर्टस अवार्ड–२०८२ तर्फ ‘पिपुल्स च्वाईस अवार्ड’ को मनोनयनमा फुटबलकी पूजा राना परेकी छिन् ।

नेपाली राष्ट्रिय महिला फुटबल टोलीकी महत्वपूर्ण सदस्य र अनुभवी डिफेन्डरका रुपमा परिचित पूजा नेपाल पुलिस क्लबकी नियमित खेलाडी समेत हुन् । हाल उनी भुटानको शिर्ष महिला लिगमा थिम्पु सिटी एफसीका लागि खेलिरहेकी छिन् ।

मञ्चले आइतबार सार्वजनिक गरेको पिपुल्स च्वाइस अवार्डको मनोनयनतर्फ फुटबलकी पूजाबाहेक एमएमएका रबिन्द्र ढाँट, क्रिकेटका शेर मल्ल, करातेकी सानु माया थिङ र भलिबलकी मिना सुनार पनि रहेका छन् ।

मनोनयनमा परेका खेलाडीहरुलाई खल्ती एपमार्फत भोट गर्न पनि सकिनेछ । आयोजकका अनुसार खेलाडीहरुलाई खल्ती एपमार्फत आएको भोट, अवार्डको आधिकारिक फेसबुक पेजमा सम्बन्धित खेलाडीको फोटोमा प्राप्त लाईक, खेलपत्रकारहरु र प्रशिक्षकहरुको अंक समेत गणना गरी विजेता घोषणा गरिनेछ ।

अवार्डको आधिकारिक पेजको लिंक हेर्नुहोसः