काठमाडौं । यसै सिजन जोर्डनी कलब इतिहाद एफसीमा आवद्ध भएकी चर्चित मिडफिल्डर प्रिती राईले आफ्नो नयाँ क्लबका लागि सोमबार डेब्यु समेत गरेकी छिन् ।

एएफसी महिला च्याम्पियन्स लिगको प्राररम्भिक चरणको छनौट प्रतियोगिता अन्तर्गत समूह सी मा रहेको प्रितीको टोली इतिहादले हार बेहोर्न पुग्दा प्रितीको डेब्यु खेल भने सुखद बन्न सकेन ।

पहिलो रोजाई मै रहेर खेलेकी प्रितीको टोली इतिहादले सिंगापुरको लायन सिटी सेलर्स एफसीसँग २–० को हार बेहोर्न पुगेको हो । खेलमा प्रिति भने अन्तिमतिर मैदान बाहिरिएकी थिईन् ।

लायन सिटीका लागि दुवै गोल एमि टाकुचीले गरीन् । समूह चरणको आफ्नो दोस्रो खेलमा प्रितीको टोली इतिहादले किर्गिस्तानको एसियागोल बिश्केक एफसी खेल्नेछ । सोही दिन लायन सिटीले भने मलेसियाको केलना युनाइटेडसँग खेल्नेछ ।