काठमाडौं । भुटानमा जारी साफ यु-१७ महिला च्याम्पियनसिपतर्फ नेपालले बंगलादेशसँगको दोस्रो लेगको खेलमा पनि हार बेहोरेको छ ।

आफ्नो पहिलो लेगको खेलमा बंगलादेशसँग ३-० ले पराजित भएको नेपालले बुधबार दोस्रो लेगतर्फ ४-१ को हार बेहोरेको हो । यो हारसँगै नेपालको उपाधी होडको गणितीय सम्भावना पनि लगभग समाप्त भएको छ ।

यो नतिजापछी ४ खेलबाट ९ अंकका साथ बंगलादेश दोस्रो स्थानमा रहँदा ३ अंक जोडेको नेपाल तेस्रो स्थानमा छ । नेपालले आफ्नो आगामी खेल २९ अगस्तका दिन शिर्ष स्थानको टोली भारतसँग खेल्नेछ ।