काठ्माडौं । यहाँ सम्पन्न दुई दिने ग्रोवाईज कर्पोरेट फुटसल प्रतियोगिताको उपाधी युबिए सोलुशन्स प्रालिले जितेको छ ।

काठमाडौंको नक्सल स्थित प्लेस बक्स फुटसल एरिनामा सम्पन्न फाइनलमा युबिएले फ्युज मेशिन्सलाई १-० को हराउँदै उपाधी जित्न सफल भएको हो । युबिएको जितमा शरद छुन्जुले एक मात्र निर्णायक गोल गरे ।

विजेता बनेको युबिएले उपाधिसहित नगद १ लाख हात पार्यो भने उपविजेता फ्युज मेशिन्सले ५० हजारसहित ट्रफी, मेडलमा चित्त बुझायो ।

विधागततर्फ उत्कृष्ट गोलरक्षक शरद छुन्जु बने । सर्वाधिक गोलकर्ता सबिन थापा बन्दा प्रतियोगिताको सर्वश्रेष्ठ खेलाडी रजित मगराती घोषित भए ।