काठमाडौं । फिफा विन्डोतर्फ दुई अन्तर्राष्ट्रिय मैत्रीपूर्ण फुटबल म्याच खेल्न बंगलादेशको राष्ट्रिय पुरुष फुटबल टोली बुधबार नेपाल आइपुग्ने अखिल नेपाल फुटबल संघ (एन्फा) ले जनाएको छ ।

एन्फाका अनुसार बंगलादेशी फुटबल टोली बुधबार बिमान बंगलादेशमार्फत नेपाली समयअनुसार दिनको ३ बजे त्रिभुवन अन्तर्राष्ट्रिय बिमानस्थलमा ओर्लिने जानकारी गराइएको छ ।

स्मरण रहोस, नेपालले बंगलादेशससँग यही सेप्टेम्बर ६ र ९ तारीखका दिन दुई अन्तर्राष्ट्रिय मैत्रीपूर्ण फुटबल म्याच खेल्दैछ । जुन खेलहरु काठमाडौं स्थित दशरथ रंगशालामा हुनेछन् ।

Photo: Bangladesh FF