ताप्लेजुङ । जिल्लाको दोस्रो ठूलो खेलकुद प्रतियोगिता मानिने सिरिजंगा गोल्डकप फुटबल प्रतियोगिताको पाँचौं संस्करण आगामी मंसिर २३ गतेदेखि सुरु हुने भएको छ।

सदरमुकाम फुङलिङबाट करिब तीन घण्टाको दुरीमा पर्ने सिरिजंगा गाउँपालिका–५ तेल्लोकमा हरेक वर्ष आयोजना हुँदै आएको यो प्रतियोगिता यसपालि पनि भव्य रूपमा सम्पन्न गर्न तयारी भइरहेको आयोजक तेल्लोक स्पोर्टिङ क्लबले जनाएको छ।

क्लबका अध्यक्ष अर्जुन भट्टराईका अनुसार प्रतियोगिता मंसिर २३ गतेदेखि सुरु भएर २९ गतेसम्म चल्नेछ। यसमा नेपाल र भारतका नामी क्लबहरूलाई निमन्त्रणाको प्रक्रिया भइरहेको र राष्ट्रिय तथा अन्तर्राष्ट्रिय स्तरका ८ टिमको सहभागिता रहने उनले जानकारी दिए।