पैयुँ । मर्दिखोला युनाइटेड, पैयुँ–४, मर्दिखोला, पर्वतको आयोजनामा जारी पैयुँ पर्वत गोल्डकप यु–१८ फुटबल प्रतियोगितामा बिहीबार चार खेलहरु सम्पन्न भएका छन् ।

मर्दिखोला खेलमैदानमा भएको पहिलो खेलमा लप्पो एफसीले आरकेएफसीलाई ३–२ ले हरायो । लप्पोको जितमा संगम गुरुङ, सन्देश तामाङ र अरबिन परियारले गोल गरे । उता आरकेएफसीका लागि दुवै गोल सुमित पुलामीले गरे । खेलमा लप्पो एफसीका सन्देश तामाङ म्यान अफ दि म्याच बने ।

दोस्रो खेलमा आयोजक मर्दिखोला युनाइटेडले मकवानपुरमाथि १–० को जित हात पार्यो । मर्दिखोलका लागि सञ्जय हिताङले एक मात्र निर्णायक गोल गरे । खेलमा मर्दिखोलाका निर्णायक गोलकर्ता सञ्जय हिताङ नै म्यान अफ दि म्याच चुनिए ।

तेस्रो खेलमा होराईजन एफसीले एससीबिएसलाई १–० को साँघुरो अन्तरले हरायो । होराईजनका लागि परमित गन्धर्वले एक मात्र निर्णायक गोल गरे । खेलको म्यान अफ दि म्याच परमित गन्धर्व नै चुनिए ।

दिनको चौथो तथा अन्तिम खेलमा एबीसी काठमाडौंले कट्माचायै ब्रदर्श, कुश्मालाई समान १–० कै अन्तरले पराजित गर्यो । एबीसीका लागि कुलदेव तितुङले एक मात्र निर्णायक गोल गरे । निर्णायक गोलकर्ता कुलदेव तितुङ नै खेलको म्यान अफ दि म्याच बने ।

पैयुँ गाउँपालिका, पवर्तको मुख्य प्रायोजनमा जारी प्रतियोगिताको विजेताले उपाधिसहित नगद १,११,१११ रुपैयाँ हात पार्नेछ भने उपविजेताले ५५,५५५ रुपैयाँसहित ट्रफी, मेडल र प्रमाणपत्र प्राप्त गर्नेछ ।