झापा । अन्तर्राष्ट्रिय महिला खेलाडी सरु लिम्बूलाई इजम (लिम्बू) समाज दूधे (झापा)ले नगदसहित सम्मान गरेको छ ।

शिवसताक्षी नगरपालिका ११ स्थित दूधेमा जारी एलभिडी झापा महिला गोल्डकपको अन्तिम सेमिफाइनलको खेल समाप्तिसँगै इजम समाजले मोरङ निवासी सरु लिम्बूलाई नगद ५१ हजारसहित सम्मान पत्र प्रदान गरेको हो ।

इजम लिम्बूको छोरीले फुटबल खेलको क्षेत्रबाट राष्ट्रलाई महत्वपूर्ण योगदान दिएको भन्दै समाजले नगदसहित सम्मान गरेको जनाइएको छ । सम्मानपत्रमा फुटबल क्षेत्रबाहेक सामाजिक क्षेत्रमा पनि फुटबलर सरुको योगदान रहोस् भन्ने कामनासहित शुभेच्छा प्रकट गरिएको छ ।