काठमाडौं (एजेन्सी) । एसियाली राष्ट्र फिलिपिन्समा सम्पन्न प्रथम फिफा महिला फुटसल विश्वकपको उपाधि दक्षिण अमेरिकी महारथी ब्राजीलले जितेको छ ।

फिलिपिन्सको पासिक शहरमा भएको फाइनलमा बजीलले पोर्चुगलमाथि ३–० को जित निकाल्दै पहिलो संस्करणको फिफा महिला फुटसल विश्वकपको विजेता बन्न सफल भएको हो ।

त्यस्तै तेस्रो स्थानका लागि भने प्ले अफ म्याचमा स्पेनले अर्जेन्टिनामाथि ५–१ को जित निकाल्दै तेस्रो स्थानमा कब्जा जमायो । स्मरण रहोस, सेमिफाइनलमा अर्जेन्टिनाले पोर्चुगलसँग १–७ को हार बेहोरेको थियो भने स्पेन ब्राजीलसँग १–४ ले पराजित भएको थियो ।