काठमाडौं । महेन्द्र ज्योति एक्स स्टुडेन्टस फोरम, काठकाडौंको आयोजनामा शनिबारदेखि शुरु भएको १५औं खुम्बु ल्होसार कपमा उद्घाटन खेल बराबरीमा सकिएको छ ।

सातदोबाटो स्थित एन्फा कम्प्लेक्समा भएको उद्घाटन खेलमा आयोजक महेन्द्र ज्योति एक्स स्टुडेन्टस फोरम र खुन्डे कम्युनिटी क्लबले १–१ गोलको बराबरी खेलदै अंक बाँडेका हुन् । खेलमा पासाङ शेर्पा म्यान अफ दि म्याच चुनिए ।

प्रतियोगिता अन्तर्गत माघ २५ गते आइतबार तीन खेलहरु हुने आयोजकले जानकारी दियो । लिगकम नकआउटका आधारमा हुने प्रतियोगितामा कुल आठ टोलीहरु सहभागि छन् ।

प्रतियोगिताको विजेताले उपाधिसहित नगद १ लाख ५० हजार हात पार्नेछ भने उपविजेताले ८० हजार प्राप्त गर्नेछ । त्यस्तै तेस्रो स्थान हासिल गर्ने टोलीले नगद ४० हजार पाउनेछ । फाइनल खेल भने फागुन ३ गतेका दिन हुनेछ ।