न्युज फिफा वरियतामा नेपाल यथावत
गोलनेपाल

काठमाडौं । विश्व फुटबलको सर्वोच्च निकाय फिफाले निकाल्ने मासिक विश्व फुटबल वरियतामा नेपालको वरियता यथावत रहेको छ । फिफाले सार्वजनिक गरेका अप्रिल महिनाको नयाँ वरियतामा नेपाल १७१औं स्थानमा यथावत रहेको हो ।

त्यसका लागि नेपालले कुल ९६७.८८ अंक बटुलेको छ । दक्षिण एसियातर्फ भने नेपाल तेस्रो स्थानमा रहेको छ । फिफा वरियताको १०५औं स्थानमा रहेको भारत भने दक्षिण एसियाको शिर्ष स्थानमा कायम छ । १५५औं स्थानमा रहेको साफ च्याम्पियन माल्दिभ्स दक्षिण एसियातर्फ दोस्रो स्थानमा छ ।

त्यसैगरी १८४औं स्थानमा रहेको बंगलादेश दक्षिण एसियातर्फ भने चौथो स्थानमा रहँदा १८७औं स्थानमा रहेको भुटान दक्षिण एसियातर्फ पाँचौं स्थानमा छ । २०४औं स्थानमा रहेको श्रीलंका भने दक्षिण एसियातर्फ पुछारमा छ । स्मरण रहोस, पाकिस्तान भने हाल फिफाको निलम्बनमा छ ।

विश्व वरियतामा बेल्जियम अगाडी

त्यसैगरी फिफाको शिर्ष वरियतामा बेल्जियम अगाडी छ । विश्व विजेता फ्रान्स दोस्रो स्थानमा रहँदा दक्षिण अमेरिकी च्याम्पियन ब्राजील तेस्रो स्थानमा रहेको छ ।

 

Post Comments