
काठमाडौं (एजेन्सी) । आगामी बर्ष हुने एएफसी वुमन्स एसियन कपको छनौट प्रतियोगिता खेल्ने तयारीमा रहेको माल्दिभ्सले त्यसका लागि कडा अभ्यास र प्रशिक्षणमा व्यस्त छ ।
हाल युएई भ्रमणमा रहेको माल्दिभ्सले त्यहाँको राष्ट्रिय टोलीसँग मैत्रीपुर्ण फुटबल म्याच खेल्ने कार्यक्रम अनुसार सोमबार पहिलो मैत्रीपुर्ण फुटबल म्याच सम्पन्न भएको छ ।
खेलमा सुधारिएको प्रदर्शन गरेको माल्दिभ्सले युएईसँग ५–१ को हार बेहोर्यो । स्मरण रहोस, माल्दिभ्सले युएईमा दुई मैत्रीपुर्ण फुटबल म्याच खेल्ने कार्यक्रम रहेको माल्दिभ्स एफएले जनाएको छ ।
एसियन कपको छनौट प्रतियोगिता अन्तरगत समूह बी मा रहेको माल्दिभ्सले दावेदार मानिएको भियतनामसँगै ताजिकिस्तान र अफगानिस्तान विरुद्ध खेल्नेछ । समूहका सबै खेलहरु ताजिकिस्तानमा हुनेछन् ।
आगामी बर्ष भारतमा हुन गईरहेको एएफसी वुमन्स एसियन कपतर्फ आयोजकको हैसियतले दक्षिण एसियाली राष्ट्र भारतले भने प्रतियोगिताको सोझै खेल्ने अवसर पाएको छ ।
(तस्विरः युएई एफए)
- २०औं एसियाडका लागि नेपालबाट फुटबलको नाम छैन
- नेपाली यु–२३ टोलीको सहायक प्रशिक्षकमा धिमाल, गोलकिपिङ प्रशिक्षकमा महर्जन र म्यानेजरमा श्रेष्ठ नियुक्त
- सायम अन्तरकलेज फुटसलमा २८ टोलीहरु सहभागि हुने
- दोस्रो हिमालयन फुटसल गोल्डकप साउन तेस्रो साता, विजेताले ३ लाख पाउने
- गोलनेपालकर्मी बिक्रम बानियाँले खेलकुद पत्रकार प्रोत्साहन पुरस्कार पाउने तय