काठमाडौं । त्रिभुवन आर्मी फुटबल क्लबको महिला फुटबल टोलीकी महत्वपुर्ण सदस्य सुनिता चौधरी युएन मिशनका लागि सेन्ट्रल अफ्रिकन रिपब्लिकतर्फ प्रस्थान गरेकी छिन् ।

आर्मीमा हवल्दार पदमा रहेकी सुनिताले एक बर्ष मिशनमा बिताउने क्लबले जनाएको छ । क्लबका लागि डिफेन्डरको भूमिकामा आफूलाई अहम सदस्यका रुपमा प्रमाणित गरिसकेकी सुनिताले गत बर्षको राष्ट्रिय लिग पनि खेलेकी थिईन् ।

फुटबलसँगै देशको सेवा र देशप्रतिको जिम्मेवारी पूरा गर्नु पनि आफ्नो कर्तव्य रहेको सुनिताको भनाई छ । उनले मिशनबाट फर्किए पछि फेरि सक्रिय फुटबल मै वयस्त हुने योजना रहेको समेत खुलाईन् ।