काठमाडौं । नेपालका चर्चित मिडफिल्डर रोहित चन्द इण्डोनेसियन सुपर लिग क्लब पर्सिजा जकार्ताबाट अलग भएका छन् । क्लबले शनिबार आफ्नो आधिकारिक सामाजिक सञ्जालमार्फत रोहितसँगको सम्झौता समाप्त गरेको कुरा घोषणा गरेको छ ।

सन् २०१७ मा इण्डोनेसियन क्लबमा आवद्ध भएका रोहितले त्यहाँ पाँच सिजन बिताउने केही मुख्य उपाधिहरु पनि जितेका थिए । त्यसमध्ये सन् २०१८ मा जकार्तालाई लिग च्याम्पियन बनाउनु उनको सबैभन्दा ठूलो सफलता थियो । त्यतिबेला रोहितले लिगको सर्वोत्कृष्ट खेलाडी बन्दै गोल्डेन बल पनि हात पारेका थिए ।

जकार्ताबाट अलग भए तापनि इण्डोनेसिया कै अन्य शिर्ष क्लबहरुले रोहितलाई अनुवन्ध गर्न इच्छुक रहेको बताइएको छ । यद्यपि यसबारे अहिले नै कुनै निर्णय भने भईसकेको छैन ।