सिरिजङ्गा । आइतबारदेखि यहाँ शुरु दोस्रो सिरिजङ्गा गोल्डकप नकआउट फुटबल प्रतियोगितामा खेवाङ स्र्पोटिङकले विजयी शुरुवात गरेको छ । तेल्लको माविको खेलमैदानमा भएको उद्घाटन खेलमा खेवाङले आयोजक तेल्लको स्र्पोटिङ क्लबलाई ३–१ ले हराउँदै विजयी शुरुवात गरेको हो ।

खेवाङको जितमा म्यान अफ द म्याच समेत घोषित आयुष श्रेष्ठले ह्याट्रिक गरे । उता पराजित आयोजकका लागि अन्जल गुरुङले एक मात्र गोल फर्काए । यो जितसँगै खेवाङ क्वाटरफाइनलमा समेत प्रवेश गरेको छ ।

प्रतियोगिता अन्तरगत मंसिर २६ गते सोमबार तीन खेलहरु हुने आयोजकले जानकारी दियो । तेल्लो स्र्पोटिङ क्लब, तथा तेअङ्सी सिरिजङ्गा स्मृति संस्था, ताप्लेजुङको आयोजनामा जारी प्रतियोगिताको विजेताले उपाधिसहित १ लाख ५१ हजार हात पार्नेछ भने उपविजेताले ८१ हजार पाउनेछ । कुल १० टोलीहरुको सहभागिता रहेको प्रतियोगिताको फाइनल खेल यहि मंसिर २९ गतेका दिन हुनेछ ।