काठमाडौं । खुम्बु ल्होसार कप फुटबल प्रतियोगितामा नाम्चे युवा क्लब र आमाडब्लम युवा क्लब विजयी भएका छन । बुधबार सम्पन्न पहिलो खेलमा नाम्चे युवा क्लबले भेटेरनस् युनाइटडलाई ३–१ गोल अन्तरले पराजित गर्यो । नाम्चे युवा क्लबका छिरिङ पाल्जोर शेर्पा म्यान अफ द म्याच भए ।

त्यस्तै, दोस्रो खेलमा आमाडब्लम युवा क्लबले जित हासिल गरेको छ । महेन्द्र ज्योति याक्स् स्टूडन्ट् फोरमलार्ई ट्राई ब्रेकरमा पछि पार्दै आमाडब्लमले महत्वपूर्ण जित निकालेको हो । आमाडब्लमको जितमा पासाङ नुरु शेर्पा म्यान अफ द म्याच घोषित भए ।

बिहीबार पनि दुईवटा खेल हुदैछन । बिहीबारको खेलमा जुभिङ शेर्पा कुदिक क्लब र ठमिछोवा फुटबल क्लबबीच पहिलो सेमिफाईनल हुनेछ । दोस्रो प्रि–सेमिफाइनलमा नाम्चे युवा क्लब र आमाडब्लम युवा क्लबबीच प्रतिस्पर्धा हुनेछ ।