गोरखा । ‘गोरखा मेयर फुटबल विकास कार्यक्रम’ अन्तरत भएको आठौं द ओसन कप यु–१३ राष्ट्रिय फुटबल प्रतियोगिताको उपाधि नव जन जागृति युवा क्लब, सिमरा, बाराले जितेको छ ।

गोरखा स्थित आयोजक द ओसन क्लबको टर्फ मैदानमा भएको फाइनल भिडन्तमा नव जन जागृतिले लक्ष्मी कम्युनिटी ऐजुकेशन एकेडेमीलाई हराउँदै उपाधि जित्न सफल भएको हो ।

विजेता बनेको नव जन जागृतिले उपाधिसहित नगद २० हजार हात पार्यो भने उपविजेता लक्ष्मी ऐजुकेशनले नगद १० हजारसहित ट्रफी, मेडल र प्रमाणपत्रमा चित्त बुझायो ।

प्रतियोगितामा देशका उत्कृष्ट १२ यु–१३ फुटबल टोलीहरुले सहभागिता जनाएका थिए ।