मोरक्कोले रच्यो इतिहास, जर्मनी 'नकआउट'

News

Home
News
मोरक्कोले रच्यो इतिहास, जर्मनी 'नकआउट'

मोरक्कोले रच्यो इतिहास, जर्मनी 'नकआउट'

गोलनेपाल Aug 03, 2023 23:24

काठमाडौं (एजेन्सी) । जारी फिफा महिला विश्वकपमा पहिलोपटक सहभागिता जनाईरहेको मोरक्को पहिलो सहभागिता मै नकआउट चरणमा प्रवेश गर्न सफल भएको छ ।

समूह एचमा रहेको मोरक्कोले समूह चरणको अन्तिम खेलमा कोलम्बियालाई १–० ले हरायो । र ३ खेलबाट ६ अंक जोड्दै समूह उपविजेताका रुपमा नकआउट चरणमा प्रवेश गर्न सफल भयो । पराजित कोलम्बियाको पनि समान ६ अंक भए तापनि गोलभिन्नताका आधारमा समूह विजेताका रुपमा नकआउट चरणमा प्रवेश गर्न सफल भयो ।

त्यस्तै समूह एच कै अर्को महत्वपूर्ण खेलमा बलियो जर्मनीले दक्षिण कोरियासँग दुर्भाग्यपुर्ण रुपमा १–१ को बराबरी खेलेपछि समूह चरणबाटै बाहिरिन बाध्य बनेको छ । जित्नै पर्ने खेलमा बराबरीमा रोकिएपछि ३ खेलबाट ४ अंक जोडेको जर्मनी समूह एचको तेस्रो स्थानमा रह्यो भने १ अंक जोडेको दक्षिण कोरिया पुछारमा रह्यो । र जर्मनी र दक्षिण कोरिया समूह चरणबाटै बाहिरिए ।

बिहीबारको खेलसँगै समूह चरणका सबै खेलहरु सम्पन्न भएका छन् । अब नकआउट चरणका खेलहरु शनिबारदेखि शुरु हुँदैछन् । शनिबार हुने दुई खेलहरु मध्ये न्युजिल्याण्डको अकल्णडमा हुने पहिलो खेलमा स्वीजरल्याण्ड र स्पेन भिड्ने छन् भने वेलिङटनमा हुने दोस्रो खेलमा जापान र नर्वे प्रतिस्पर्धा गर्नेछन् ।

Post Comments

Previous सिद्धार्थ र लुम्बिनी तिलोत्तमा सेमिफाइनलमा

Next सइ थापाको कुटपिटबाट फुटबलर शाह घाईते