सिमरा । ‘मधेश प्रदेशको सान, भेट्रान खेलाडीप्रति उच्च सम्मान’ भन्ने नाराका साथ यही असोज ७ गतेदेखि शुरु हुन गईरहेको प्रथम सिमरा भेट्रान कप अन्तर्राष्ट्रिय आमन्त्रण फुटबल प्रतियोगिताको तयारी पूरा भएको छ ।

सिमरा रंगशालामा हुन गईरहेको प्रतियोगिताको उद्घाटन खेलमा असोज ७ गतेका दिन आयोजक सिमरा भेट्रान क्लब, सिमरा (बारा) र अभिषेक चर्च रजहर, नवलपरासी भिड्ने खेलतालिकामा उल्लेख गरिएको छ ।

सिमरा भेट्रान क्लब, बाराको आयोजनामा हुन गईरहेको प्रतियोगितामा नेपाल, भारत र बंगलादेशका गरी कुल १२ टोलीहरुले सहभागिता जनाएका छन् । प्रतियोगिताको फाइनल खेल भने असोज १३ गतेका दिन हुनेछ ।

प्रतियोगिताको आधिकारिक मिडिया पार्टनर रहेको गोलनेपालले सबै खेलहरु प्रत्यक्ष प्रसारण समेत गर्नेछ ।