काठमाडौं । वाफ महिला च्याम्पियनसिप खेल्न नेपालकी स्टार फरवार्ड साबित्रा भण्डारी फ्रान्सबाट सोझै साउदी अरेबियाको जेद्दाह शहर पुगेकी छिन ।

प्रतियोगिता जेद्दाह मै सोमबारदेखि शुरु हुँदैछ । नेपाली टोलीको अन्य सदस्यहरु भने यसअघि नै जेद्दाह पुगिसकेका छन ।

फ्रान्सको शिर्ष महिला लिगमा गुइनग्याम्पका लागि व्यवसायिक फुटबल खेलीरहेकी साबित्रा क्लबको महत्वपूर्ण खेलका कारण नेपाली टिमसँगै साउदी जान पाएकी थिइनन । पिएसजी विरुद्धको उक्त खेल लगत्तै साबित्रा साउदीतर्फ प्रस्थान गरेकी थिईन ।

वाफ महिला च्याम्पियनसिपतर्फ समूह बी परेको नेपालले प्यालेस्टाइन, सिरिया र इराकसँग खेल्ने कार्यक्रम छ । नेपालले समूह चरणको आफ्नो पहिलो खेल २० फेब्रुअरीमा सिरियासँँग खेल्दै प्रतियोगिताको शुरुवात गर्नेछ ।

त्यस्तै समूह ए तर्फ आयोजक साउदीसँगै साविक विजेता जोर्डन, उपविजेता लेबनान र गुआम रहेका छन ।