काठमाडौं । वाफ महिला च्याम्पियनसिपतर्फ शतप्रतिशत जितका साथ साविक विजेता जोर्डन समूह ए को सामुह विजेता बन्दै सेमिफाइनलमा प्रवेश गरेको छ ।

समूह चरणतर्फ लगातार तेस्रो जित निकाल्ने क्रममा जोर्डनले लेबनानलाई २-० ले हरायो । सोही समुहको अर्को खेलमा गुआमले आयोजक साउदी अरेबियालाई समान २-० अन्तरले नै हरायो ।

यी दुई खेलको नजिता पश्चात् तीन खेलबाट ९ अंक जोडेको जोर्डन समूह को शिर्ष स्थानमा रहँदै समूह विजेताका रुपमा सेमिफाइनलमा प्रवेश गर्यो । त्यस्तै अन्तिम खेलमा हार बेहोर्नुका बावजुद पनि लेबनान ६ अंकका साथ दोस्रो स्थानमा रहेर समूह उपविजेताका रुपमा सेमिफाइनलमा प्रवेश गर्न सफल भयो ।

त्यस्तै अन्तिम खेलमा जित हात पारेको गुआम ३ अंकका साथ तेस्रो र अंकविहीन साउदी पुछारमा रहँँदै समूह चरणबाटै बाहिरिए ।

जोर्डनले अब सेमिफाइनलमा समूह बी को उपविजेतासँग र लेबनानले समूह बी को विजेतासँग सेमिफाइनलमा भिडनेछ । समुह्बी को विजेता तथा उपविजेता टोलीहरुको टुंगो आज लाग्दैछ ।