काठमाडौ । फिफा विश्वकप छनौटतर्फ बहराइनसँगको दुई होम एण्ड अवे म्याच खेलेर नेपालको राष्ट्रिय फुटबल टोली बुधबार राती फ्लाई दुवई मार्फत स्वदेश फर्किएको छ ।

नेपाली टोलीलाई अखिल नेपाल फुटबल संघ (एन्फा) का प्रवक्ता सुरेश साह लगायतले विमानस्थलमा स्वागत गरेका थिए ।

छ्नौट प्रतियोगिता अन्तर्गत समूह एचमा रहेको नेपालले बहराइन विरुद्धको होम एण्ड अवे दुवै म्याच बहराइन मै खेलेको थियो । नेपालले बहराइनसँग पहिलो लेगको खेलमा ५-० र दोस्रो लेगको खेलमा ३-० को हार बेहोरेको थियो ।

अब नेपाली टोलीले मई ६ तारीखका दिन इङ्ल्याण्डको सी टिमसँग हुने मैत्रीपूर्ण खेलका लागी आवश्यक तयारीमा जुट्नेछ ।