बेनीबजार । न्यु दोभान युथ क्लब, बेनी–७, म्याग्दीको आयोजना तथा क्लब कै पूर्व अध्यक्ष स्व. अनन्त गिरीको स्मृतिमा आउँदो भदौ १३ देखि १५ गतेसम्म तेस्रो दोभान कप नाईन ए साईड फुटबल प्रतियोगिता हुने भएको छ ।

बेनीबजार, म्याग्दी स्थित खुला मञ्चमा हुने प्रतियोगिताको टिमदर्ता पनि खुला गरिएको छ । आयोजकका अनुसार टिमदर्ता शुल्क ३५०० र धरौटी वापत रु. ५०० बुझाउनु पर्ने जानकारी गराइयो ।

प्रतियोगिताको विजेताले उपाधिसहित नगद ४५ हजार हात पार्नेछ भने उपविजेताले २५ हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ उत्कृष्ट हुने खेलाडीहरुलाई पनि उचित पुरस्कारको व्यवस्था गरिएको आयोजकले जानकारी दियो ।