तिलोत्तमा । युनिक फुटसल र मणिग्राम ब्वाईज क्लब, तिलोत्तमाको आयोजनामा शुक्रबारदेखि दोस्रो युनिक फुटसल कप दुई दिने खुला फुटसल प्रतियोगिता शुरु भएको छ । प्रतियोगिताको पहिलो दिन पहिलो चरणका खेलहरुसँगै तीन क्वाटरफाइनल खेलहरु सम्पन्न भए । त्यस्तै साउन १९ गते शनिबार चौथो क्वाटरफाइनल, दुई सेमिफाइनल र फाइनल खेल हुने खेल संयोजक मदन सलामी मगरले जानकारी दिए ।

त्यसअघि प्रतियोगिताको उद्घाटन एक कार्यक्रमका बीच तिलोत्तमा नगरपालिकाका नगर प्रमुख रामकृष्ण खाँड, तिलोत्तमा नगरपालिका वार्ड नम्बर ५ का वार्ड अध्यक्ष रमेश डुम्रे लगायतले संयुक्त रुपमा गरेका थिए । प्रतियोगिताको विजेताले उपाधिसहित नगद १ लाख हात पार्नेछ भने उपविजेताले ५० हजार सहित ट्रफी, मेडल र प्रमाणपत्र प्राप्त गर्नेछ ।