काठमाडौं । प्रथम चन्द्रागिरी यु–२० फुटसल प्रतियोगिता यही भदौ १९ गते हुने भएको छ । त्रिनेत्र फुटसल कोर्टमा हुने प्रतियोगितामा सहभागिता जनाउन चाहने इच्छुक क्लबहरुका लागि यही भदौ १५ गतेसम्म टिमदर्ता खुला गरिएको छ ।

साथै टिमदर्ता शुल्क ३५०० तोकिएको छ । जसमा टिमदर्ता गर्दा १५०० अनिवार्य रुपमा अग्रिम भुक्तानी गर्नुपर्ने आयोजकले जानकारी दियो ।

प्रतियोगिताको विजेताले उपाधिसहित नगद ३० हजार हात पार्नेछ भने उपविजेताले १५ हजारसहित ट्रफी, मेडल र प्रमाणपत्र प्राप्त गर्नेछ । त्यस्तै विधागततर्फ पनि उचित पुरस्कारको व्यवस्था गरिएको आयोजकले जनाएको छ ।

विस्तृत जानकारीका लागि सम्पर्क नम्बरहरु 9808878607, 9767300113 मा सम्पर्क गर्न सकिने पनि आयोजकले जानकारी दियो ।