काठमाडौं । छिमेकी मुलुक भुटानमा जारी राष्ट्रिय महिला लिगमा खेलिरहेका नेपाली महिला खेलाडीहरुले आफू आवद्ध टोलीलाई जिताउन उत्कृष्ट प्रदर्शन गरिरहेका छन् ।

हाल ट्रान्सपोर्ट युनाइटेडमा आवद्ध भएर लिग खेलिरहेकी खुश्मा राईले टोलीलाई जिताउन महत्वपूर्ण भूमिका खेल्नुका साथै खेलको प्लेयर अफ द म्याच पनि चुनिएकी छिन् ।

लिग अन्तर्गत ट्रान्सपोर्टले द रोयल एकेडेमीमाथि १८–१ को फराकिलो जित निकाल्दा खुश्माको योगदान पनि अहम रह्यो । खेलमा खुश्मा प्लेयर अफ द म्याच समेत घोषित भईन् ।

त्यसो त ट्रान्सपोर्टबाट खेल्ने खुश्मा एक्लो नेपाली खेलाडी भने होईनिन् । उनी बाहेक जेनिफर राना र सुशिला कुमारी चौधरीले पनि ट्रान्सपोर्ट युनाइटेड कै लागि खेलिरहेका छन् ।

हाल ट्रान्सपोर्ट युनाइटेड जारी भुटानको शिर्ष महिला लिगमा लिगतालिकाको शिर्षता कै होडमा छ । र, उपाधिको बलियो प्रत्याशीका रुपमा समेत रहेको छ ।