काठमाडौं । नेपाली राष्ट्रिय महिला फुटबल टोलीकी अनुभवी मिडफिल्डर रेनुका नगरकोटीले पनि भुटानी महिला लिग खेल्ने भएकी छिन् ।

रेनुकालाई पारो फुटबल क्लबले जारी सिजनका लागि अनुबन्ध गरेको हो । साथै रेनुकालाई अनुवन्ध गरेको कुरा पारोले आफ्नो सामाजिक सञ्जाल मार्फत समेत जानकारी गराएको छ ।

रेनुकाले हालै मात्र भारतको चर्चित आई लिगमा किकस्टार्ट फुटबल क्लबका लागि समेत खेलेकी थिईन् ।

रेनुकाको आगमन र अनुभवले टोली थप बलियो तथा सफल बन्ने विश्वास पारो फुटबल क्लबले लिएको छ ।