कटारी । त्रिवेनी मावि यहाँ जारी स्व.हरिचरण साह मेमोरियल कप फुटबल प्रतियोगिताको फाइनलमा प्रवेश गरेको छ ।

सोमबार भएको पहिलो सेमिफाइनलमा त्रिवेनीले बालमन्दिर माविलाई टाईब्रेकरमा हराउँदै उपाधि नजिक पुग्न सफल भएको हो । त्यसअघि निर्धारित समयको खेल दुवै टोलीले गोलरहित बराबरी खेलेका थिए ।

टाईब्रेकरमा भने त्रिवेनीले ५–४ ले नतिजा आफ्नो पक्षमा पार्न सफल भयो । खेलको म्यान अफ म्याच त्रिबेनि मा.बि.का कप्तान स्मिथ भुजेल घोषित भए ।

कटारी टाइगर फुटबल क्लबको विशेष सहयोगमा जारी प्रतियोगिताको फाइनल खेल यही भदौ २० गतेका दिन हुनेछ ।