धुलाबारी । झापा धुलाबारीको पुरानो फुटबल क्लब रोलिङ क्लबले आठौँ संस्करणको फुटबल प्रतियोगिताको तयारी सुरु गरेको छ ।

आयोजकले खेलमैदान मर्मतको काम सुरु गरेको हो । मैदान सम्याउने, घाँस उमार्ने लगायतका काम सुरु भएको हो । यही कात्तिक ३ गतेदेखि १० गतेसम्म हुने रोलिङ च्यालेञ्ज कप अन्तर्राष्ट्रिय आमन्त्रण नकआउट फुटबल प्रतियोगिताको तयारी सुरु गरिएको सचिव महेश खड्काले बताए ।

मेचीनगर(१० मा रहेको धुलाबारी माविको खेलमैदानमा हुने प्रतियोगितामा सीमावर्ती भारतका दुई टिम र नेपालका छवटा टिमको सहभागिता रहने आयोजकले जनाएको छ ।