हेटौडा । रोटरी क्लव अफ मकवानपुरको आयोजनामा जारी तेस्रो रोटरी मकवानपुर पिप्ले–क्याम्पा राष्ट्रिय भेट्रान्स फुटबल प्रतियोगितामा फ्रिडम फाइटर्स भेट्रान्स, काठमाडौं र सिमरा भेट्रान्स, बारा क्वाटरफाइनलमा प्रवेश गरेका छन् ।

फ्रिडमले युनिटी भेट्रान्स, वीरगञ्जलाई ५–१ को फराकिलो अन्तरले हराउँदै प्रतियोगिताको क्वाटरफाइनलमा प्रवेश गरेको हो । खेलको म्यान अफ द म्याच फ्रिडमका निलेन्द्र देवान घोषित भएका थिए ।

दोस्रो खेलमा अभिषेक चर्च भेट्रान्सलाई टाइब्रेकरमा स्तब्ध बनाउँदै सिमरा भेट्रान्स क्वाटरफाइनल प्रवेश गर्यो । त्यसअघि निर्धारित समय एक–एक गोलको बराबरी भएपछि टाइब्रेकरमार्फत निर्णय लिइएको हो । खेलमा सिमरा भेट्रान्सका गोलरक्षक छोटेलाल राउत म्यान अफ द म्याच भए ।