काठमाडौं । बु.न.पा. ३ र बु.न.पा. ९ यहाँ जारी नवौ बुढानीलकण्ठ नगर कप नकआउट फुटबल प्रतियोगिताको सेमिफाइनलमा प्रवेश गरेका छन् ।

बुढानिलकण्ठ स्कुलको खेलमैदानमा भएको पहिलो क्वाटरफाईनल खेलमा बु न पा ३ को शिवपुरी युवा क्लबले बु.न.पा २ को वाशिकु क्लबलाई ० का विरुद्ध २ गोलले पराजित गर्दै सेमिफाइनलमा प्रवेश गरेको हो ।

प्रतिष्पर्धात्मक खेलमा दुवै टोलीले राम्रा अबसरहरु निकालेका थिए । वाशिकु क्लबले पाएको केहि राम्रा अवसरलाई गोलमा परिणत गर्न नसक्दा नतिजा शिवपुरीलाई सुम्पेको थियो । खेलमा बिजयी शिवपुरीका एरिक बिष्ट म्यान अफ दि म्याच चुनिए ।

त्यस्तै दोश्रो क्वाटरफाइनलमा बु.न.पा ९ ले बु.न.पा १० लाई पनि समान शून्यका विरुद्ध २ गोलले हराउँदै अन्तिम चारमा स्थान पक्का गर्यो । खेलमा बु.न.पा. ९ का जतिन बराल म्यान अफ दि म्याच चुनिए ।

विजयादशमीको अवसर पारी बुढानिलकण्ठ युवा समाजले आयोजना गरेको प्रतियोगिताको विजेताले उपाधिसहित नगद १,११,१११ रुपैयाँ हात पार्नेछ भने उपविजेताले ५५,५५५ रुपैयाँसहित ट्रफी, मेडल र प्रमाणपत्र प्राप्त गर्नेछ ।