काठमाडौं (एजेन्सी) । थाइल्णडमा वार्षिक रुपमा आयोजना हुँदै आएको एसियाको प्रतिष्ठित र पुरानो मध्ये एक अन्तर्राष्ट्रिय फुटबल प्रतियोगिता किंग्स कपको ५०औं संस्करणतर्फ फाइनलमा आयोजक थाइल्याण्ड र सिरिया भिड्ने भएका छन् ।

पन्धपल्टको विजेता समेत रहेको थाइल्याण्डले फाइनल प्रवेश गर्ने क्रममा फिलिपिन्समाथि ३–१ को जित निकालेको थियो भने सिरियाले ताजिकिस्तानलाई शून्यका विरुद्ध १ गोलको झिनो अन्तरले हराएको थियो ।

अब सोमबार हुने फाइनलमा थाइल्याण्ड र सिरिया उपाधिका लागि भिड्ने छन् । त्यस्तै सोही दिन हुने तेस्रो स्थानको प्ले अफ म्याचमा ताजिकिस्तानले फिलिपिन्सको सामना गर्नेछ । स्मरण रहोस, प्रतियोगिताको गत संस्करणको उपाधि इराकले जितेको थियो ।

(Pic: Thailand FA)