बेलबारी । सलहेश युवा क्लब, सिराहा यहाँ जारी सातौं बेलबारी आरजु राइस गोल्डकप अन्तर्राष्ट्रिय आमन्त्रण नकआउट फुटबल प्रतियोगिताको सेमिफाइनलमा प्रवेश गर्ने अन्तिम टोली बनेको छ ।

प्रतियोगिताको चौथो तथा अन्तिम क्वाटरफाइनलमा सलहेशले भारतीय टोली दलसिंहपारा स्र्पोटस एकेडेमी, पश्चिम बंगाललाई ३–२ ले हराउँदै अन्तिम चारमा स्थान बनाउने अन्तिम टोली बन्न सफल भएको हो ।

सलहेशको जितमा समिर तामाङले दुई गोल गर्दा थप एक गोल अजयी मार्टिन्सले गरेका थिए । उता पराजित दलसिंहपाराका लागि भने दुवै गोल सौरभ रायले फर्काएका थिए ।

खेलमा सलहेशका दुई गोलकर्ता समिर तामाङ म्यान अफ दि म्याच घोषित भए । त्यसवापत उनले नगद ५ हजार र ट्रफी हात पारे । प्रतियोगिता अन्तर्गत कार्तिक ८ गते बिहीबारको पहिलो सेमिफाइनल खेल झापा–११ फुटबल क्लब, बिर्तामोड, झापा र बुटवल लुम्बिनी फुटबल क्लब, बुटवल, रुपन्देहीबीच हुने आयोजकले जानकारी दियो ।

एलएक्स सिटी फुटबल क्लब, बेलबारी, मोरङको आयोजनामा जारी प्रतियोगिताको विजेताले उपाधिसहित नगद ८ लाख हात पार्नेछ भने उपविजेताले ४ लाखसहित ट्रफी, मेडल र प्रमाणपत्र प्राप्त गर्नेछ । फाइनल खेल यही कार्तिक १० गतेका दिन हुन ।