काठमाडौं । भर्खरै सम्पन्न साफ महिला च्याम्पिनसिपको उपविजेता बनेको राष्ट्रिय महिला फुटबल टोलीलाई नेपाल सरकारले नगदसहित सम्मान गर्ने भएको छ । सरकारले महिला फुटबल टोलीका प्रत्येक सदस्यहरुलाई जनही ३–३ लाख नगदसहित सम्मान गर्ने भएको हो ।

स्मरण रहोस, दशरथ रंगशालामा मंगलबार सम्पन्न साफ महिला च्याम्पियनसिपको फाइनलमा नेपालले बंगलादेशससँग २–१ ले पराजित हुन पुगेको थियो । घरेलु मैदानमा नेपालको यो लगातार दोस्रो फाइनल पराजय पनि थियो । यसअघि नेपालले घरेलु मैदान मै भएको गत संस्करणको फाइनलमा पनि बंगलादेशससँगै हार बेहोरेको थियो ।

त्यसअघि नेपालले फाइनल प्रवेश गर्ने क्रममा समूह चरणतर्फ भुटानसँग बराबरी खेलेको थियो भने श्रीलंका र माल्दिभ्सलाई हराएको थियो । त्यस्तै सेमिफाइनलमा दावेदार भारतलाई हराउँदै फाइनलमा स्थान बनाउन सफल भएको थियो ।