काठमाडौं । ललित स्मृति यु–१८ फुटबल प्रतियोगिता अन्तर्गत थ्रीस्टार फुटबल क्लबले लिगलिडर नेपाल पुलिस क्लबलाई हराउँदै अर्को विभागीय टोली एपिएफ फुटबल क्लब र जावलाखेल युथ क्लबले बराबरी खेलेका छन् ।

एन्फा कम्प्लेक्समा भएको खेलमा थ्रीस्टारले पुलिसलाई शून्यका विरुद्ध १ गोलको झिनो अन्तरले हरायो । यो जितपछि १२ खेलबाट २२ अंक जोडेको थ्रीस्टार तेस्रो स्थानमा यथावत भने पराजित पुलिस पनि २६ अंकका साथ शिर्ष स्थानमा कायम छ ।

अर्को खेलमा एपिएफ र जावलाखेलले १–१ गोलको बराबरी खेल्दै अंक बाँडेका छन् । यो नतिजापछि १२ खेलबाट समान १८–१८ अंक जोडेका जावलाखेल र एपिएफ लिगतालिकाको क्रमशः सातौं र आठौं स्थानमा छन् ।