सुन्दरहरैचा । इन्ट्रा पथरी–११ फुटबल क्लब, मोरङ यहाँ जारी स्व. दिपेश गुरुङ्ग स्मृति चौथो सुकुना च्यालेञ्ज कप खुला नकआउट फुटबल प्रतियोगिताको फाइनलमा प्रवेश गरेको छ ।

बिहीबार भएको दोस्रो सेमिफाइनलतर्फ पथरीले कार्की ब्रदर्श, तेह्रथुमलाई शून्यका विरुद्ध २ गोलले हराउँदै उपाधि नजिक पुगेको हो । पथरीको जितमा सुसन गुरुङ र सुवास तामाङले गोल गरे ।

पथरीका गोलकर्ता सुवास तामाङ खेलको म्यान अफ दि म्याच समेत घोषित भए । पथरीले अब मंसिर १५ गते शनिबार हुने फाइनलमा आरएफसी धरानसँग उपाधिका लागि भिड्नेछ ।

खोर्साने सामुदायिक विकास केन्द्र, सुन्दरहरैचा–१२, खोर्साने मोरङको आयोजनामा जारी प्रतियोगिताको विजेताले उपाधिसहित नगद १ लाख हात पार्नेछ भने उपविजेताले ५१ हजार सहित ट्रफी, मेडल र प्रमाणपत्र प्राप्त गर्नेछ । फाइनल खेल मंसिर १५ गतेका दिन हुनेछ ।