काठमाडौं । बहुप्रतिक्षित नेपाल सुपर लिग (एनएसएल) को तेस्रो संस्करणको खेलतालिका सार्वजनिक गरिएको छ । उद्घाटन खेलमा चैत १६ गतेका दिन साविक विजेता ललितपुर सिटी फुटबल क्लब र पूर्व विजेता काठमाडौं रेजर्स फुटबल क्लब भिड्ने छन् ।

लिग चरण पश्चात् क्वालिफायर १ बैशाख ६ गते हुनेछ भने क्वालिफायर २ बैशाख ७ गतेका दिन हुनेछ । इलिमिनेटर म्याच भने बैशाख १० गतेका दिन हुनेछ । फाइनल र समापन बैशाख १३ गते हुनेछ ।

खेलतालिकामा खेल आयोजना स्थलबारे भने खुलाइएको छैन । सम्भवत दशरथ रंगशाला मै हुनेछन् । यद्यपि केही खेलहरु पोखरा रंगशालामा पनि हुने चर्चा छ ।